Эрүүл арьс гэдэг зөвхөн гаднаас нь түрхэж буй тос, серумтай холбоотой биш юм. Орчин үеийн дерматологийн шинжлэх ухаанд арьсны эрүүл мэндийг "Микробиом" буюу арьсны гадаргуу дээрх бичил амьд биетүүдийн тэнцвэрт байдалтай шууд холбон тайлбарлаж байна.

Хүн бүрийн арьс, хуйхны гадаргуу дээр тэрбум гаруй бактери, мөөгөнцөр зэрэг бичил биетүүд амьдардаг. Үүнийг арьсны экосистем буюу микробиом гэнэ. Энэхүү системд "сайн" болон "муу" бактериуд хамт оршдог бөгөөд тэдгээр нь хоорондоо тэнцвэртэй байх нь маш чухал юм. Сайн бактериуд давамгайлж байхдаа арьсыг гадны халдвар, бохирдлоос хамгаалж, чийгшлийг өөрөө зохицуулах байгалийн хамгаалалтын бүрхүүлийг үүсгэдэг.

Гэвч хүчтэй найрлагатай цэвэрлэгч хэрэглэх, эсвэл рН баланс алдагдах үед сайн бактериуд устаж, муу бактериуд үржиж эхэлдэг. Үүний улмаас:

• Арьс үрэвсэж, батга гарах
• Хуйх хэт хуурайших эсвэл хариу үйлдэл үзүүлж улам их тос ялгаруулах
• Арьсны эрт хөгшрөлт явагдах зэрэг асуудлууд үүсдэг байна.

Зөвлөмж: Арьсны микробиомыг эрүүл байлгахын тулд арьсны байгалийн рН түвшинг алдагдуулахгүй зөөлөн арчилгааг сонгох, мөн найрлагадаа пробиотик болон пребиотик (сайн бактериудыг тэжээх орц) агуулсан арчилгааг хэрэглэх нь хамгийн зөв шийдэл болдог.